लेखकाविषयी

पुणे विद्यापीठातून कायदा (BSL) आणि संज्ञापन अभ्यास (MSc) या विषयांत शिक्षण घेतल्यावर तन्मयने ग्रीन अर्थ सोशल डेव्हलपमेंट कन्सल्टन्सी प्रा.लि. या कंपनीत शासनव्यवस्था विषयाचा तज्ज्ञ अभ्यासक आणि सल्लागार म्हणून काम केले. महाराष्ट्र नवनिर्माण सेनेच्या शासनव्यवस्था विषयाच्या ब्लूप्रिंटचा सहलेखक म्हणून तन्मयने काम केले. सध्या तन्मय अनुरूप विवाहसंस्थेचा संचालक म्हणून पूर्णवेळ कार्यरत आहे. 


२००८ मध्ये स्थापन झालेल्या परिवर्तन या सुशासनाचे ध्येय घेऊन जन्माला आलेल्या संस्थेचा तन्मय संस्थापक सदस्य आणि विश्वस्त आहे. परिवर्तनसह विविध सामाजिक संस्थांबरोबर तन्मय गेली १२ वर्षांपेक्षा जास्त काळ सामाजिक-राजकीय क्षेत्रात कार्यरत आहे. पुण्यात माहिती अधिकार कार्यकर्ता म्हणून परिचित असणाऱ्या तन्मयने आजवर अनेक सामाजिक संस्था, विद्यार्थी गट आणि नागरी गट यांच्यासाठी माहिती अधिकार कायद्याच्या कार्यशाळा घेतलेल्या आहेत. 

२०१४ च्या लोकसभा निवडणुकीदरम्यान आम आदमी पक्षाचा पुण्याचा प्रवक्ता आणि कोथरूड विधानसभा क्षेत्राचा अध्यक्ष म्हणून त्याने काम केले. त्यानंतर आप महाराष्ट्र राज्य मिडिया सेलचा सदस्य आणि प्रवक्ता म्हणूनही त्याने जबाबदारी पार पाडली.

महाराष्ट्र टाईम्स, सकाळ, लोकमत, लोकप्रभा, साप्ताहिक विवेक, माहेर, पुरुष उवाच, किशोर अशा विविध दैनिकांत, साप्ताहिकांत आणि मासिकांमध्ये तन्मय सातत्याने सामाजिक राजकीय विषयांवर लिहितो. यासह ORF या ख्यातनाम अभ्यास गटासाठीही तन्मयने अनेकदा लिखाण केले आहे. 
माहेर, मेनका, प्रपंच अशा अनेक मासिकांसाठी त्याने कथालेखनही केले आहे. २०११ मध्ये तन्मयचा 'वर्तुळ' नावाचा कथासंग्रह प्रसिद्ध झाला आहे. सध्या एक कादंबरी आणि वेबसिरीजवर त्याचे काम सुरु आहे. 

No comments:

Post a Comment